el último día para trabajar =)

Hola!

Da mi mine schwöschter grad darauf hingewiesen hot dass i scho eeewig nix me do inna gschrieba hon (i han gmoant es sei vor na wocha gsi aba najo... han gmirkt dass as scho a kle länger herra isch *gg*) han i ma denkt i muas euch wieder mol a kle vo do hunna berichten =)
Hüt war -kaum zu glauben- wirklich scho min letscht arbeitstag und jetzt homma noch a wocha urlaub bevor ma am 12. september da rückflug antreten. D sabi und i hond vor noch drei täg noch Sitges zum fahra zum alle noch amol seha und ausserdem wellama noch soviel andere sacha macha dass ma glob di ganz zit wachbliba möand wemma des wirklich alles macha welland (i glob aber dass ma schlussendlich doch wieder nur am strand liegand ) ;) ... najo... Es isch leider immer so dass as einfach am allerluschtigschta isch wenn ma go muas und des trifft o bei uns zua, di letschta zwoa täg in da rezeption warand zum beispiel einfach da hammer =) Geschtern isch por ejemplo so a riiiiesen gruppa us ungarn ko (in barcelona isch grad an ganz an grossa ärztekongress und di ganza ungara sind bei uns, über 180 persona) und najo... die chefin vo derra gruppa vertraut uns glob ned ganz, uf jedem fall hot se sich bei uns im hotel jetzt ihre eigene rezeption ufbaut und unser chef kocht vor wut :D S luschtige isch jo dass sie eigentlich gar koan tau hot und wo di ganza lüt ako sind (blöderwis alle zur glicha zit und ziemlich spöt am obad) hot se mol so keine Ahnung ka dass alle zwoa stunda in da eingangshalle ummagstanda sind, die andara gäscht hond sich ned zum essa abatraut weil se sich ned uskennt hond und mir sind in da rezeption gstanda und hond fascht numm könna vor lacha weil unsre chefs sich strikt gweigert hond erra zum healfa :D

Naja... hüt han i da Gladys (oanne vo da rezeptionistinna) verzällt dass i mi scho wieder uf mine tanzstunda dahoam freu, worauf sie wissa wollt ob sie a talent zur ballettänzerin hot und mir füf minuta was vortanzt hot bis ma drufko sind dass uns ca. 8 lüt zuagschaut hond dia ichecka wolltand :D war ziemlich luschtig und erra wars so peinlich dass i nochat alles aloa macha müassa hon weil si sich numma füre traut hot bis se weg warand *ggg*

Ausserdem war am 30. August a riesiges essa fürs ganze hotel, noch spanischer art homma uns am 12 in da nacht troffa und am halbe oas hots denn mol da erschte gang gea, es war echt brutal witzig und wo mir denna am halbe fünfe die erschta warand dia hoam sind (mir warand mit allna, wirklich mit allna, sogar mit da chefs und lüt deanna des wirklich ned zuatraut hättesch in ra disco) hond uns alle blöd agschaut. Aber da nögschte tag war denn noch viel witziger, d gäscht hond in da bar ca. a viertel stund uf a cola warta müassa, di köch wo frühstück macha hättand sölla sind halb uf da arbeitsfläche gleaga am schlofa und zum frühstücksdienst im comedor (speisesaal) isch genau oanne vo füf zum schaffa ko und dia isch noch na halba stund wieder ganga weil erra drei mol hinteranand an teller ahegfalla isch =)

naja... es gibt echt wahnsinnig viel zum verzälla aber i muas jo für dahoam o noch was ho =)
wünsch euch allna noch a ganz a schöne woche,

hasta pronto,

anna